Larunbatean gazte talde batek Gaztelu
Plazan eraikin bat okupatu zuten erresistentzia gune gisa eta herri
mugimenduaren mesedetan erabilia izateko asmoz. Maya alkateak
zuzendutako Udal gris honek, ordea, herri ekimenak zapaltzeko ohiko
estiloarekin erantzun eta ordu gutxitan eraikina desalojatu zuten,
oraingoan inor atxilotu gabe.
Krisi ekonomiko, sozial eta politikoa
bizi dugun garaiotan inoiz baino beharrezkoagoak dira Herri
Mugimenduak kudeatuko dituen espazioak, herritarren kontraboterea
gorpuzteko eta indartzeko premiazko lanabesak. Hori dela eta Gazte
Mugimendua txalotu nahi dugu, egoerari intsumisioaz eta alternatibak
eraikiz erantzun diolako.
Gazteen ekimenak agerian utzi du, beste
behin ere, orokorrean jendarte osoan, eta bereziki hiri honetan bizi
dugun etxebizitza politika ankerra. Gazteek oso aukera mugatuak
dituzte etxebizitza eskubidea asetzeko, eta gainera, geroz eta
ugariagoak dira banketxe eta kutxek bultzatutako etxegabetzeak. Eta
bitartean Iruñeko Udalak ehunetik gora etxebizitza publiko hutsik
mantentzen ditu eta Iruñean milaka etxe huts pribatu daude ere.
Zein da Maya alkateak egoera honi
emango dion erantzuna? Noiz arte emango die bizkarra hiritarrei eta
beraien beharrei? Noiz arte jarraituko du banka eta espekulatzaileen
interesak lehenesten? Iruindarrak beraien buruaz beste egiten hasi
arte itxoingo du egoeraz jabetzeko? Hiritarrak nazkatuta daude UPNren
eta Mayaren inkonpetentziarekin!
Iruñeak norabide aldaketa nabarmena
behar du, iruindarron beharrak aseko dituena. Eta horretarako
herritarren aktibazioan eta eraldaketa sozialean sakondu beharra
dago, Auzo Gune Askea bezalako proiektu eraldatzaile berriak eraikiz
eta Iruñea berri bat marraztuz.
No hay comentarios:
Publicar un comentario